Ræktaðu geðið og styrktu Geðhjálp
Yfir þorrann, þá býður Geðhjálp upp á dagleg hollráð til þess að bæta geðheilsu. Við köllum þessi hollráð G vítamín.
Farðu yfir daginn að morgni
Margir undirbúa daginn að morgni, áður en lagt er af stað, með hugleiðslu eða öndunaræfingum – stilla viðhorf sitt og væntingar. Minntu þig á að dagurinn gæti orðið uppfullur af samskiptum við annað fólk sem getur verið í alls konar standi. Fylltu þig af mildi og gæsku til annarra áður en þú leggur af stað og minntu þig á að öll trén í skóginum eiga rótarkerfið sameiginlegt – sameiginlega mennsku sem liggur undir okkur öllum, tengir okkur. Hana getum við öll ræktað.
2. febrúar, 2023
G vítamín hollráð
G vítamínið er byggt á Geðorðunum 10 og 14 Lífsorðum Héðins Unnsteinssonar og Þórdísar Rúnarsdóttur. Sjá nánar á landlaeknir.is og hedinn.org/lifsordin14
