Ræktaðu geðið og styrktu Geðhjálp

Kaupa G vítamín dropa

Við vitum öll að það er hollt að hreyfa sig reglulega og taka vítamín daglega. En það gleymist gjarnan að rækta og vernda geðheilsu okkar. Þess vegna mælum við með að nota G vítamín ilmdropa á hverjum degi, sérstaklega í skammdeginu.

Yfir þorrann, þá býður Geðhjálp upp á dagleg hollráð til þess að bæta geðheilsu. Við köllum þessi hollráð G vítamín.

Í ár býður Geðhjálp auk þess upp á sérstaka G vítamín ilmdropa sem eru notaðir samhliða daglegri geðrækt. Með dropunum fylgja leiðbeiningar um notkun ásamt QR-kóða sem beinir notandanum á G vítamín dagsins. G vítamín ilmdroparnir innihalda avokadóolíu, hampolíu, birkiolíu og E-vítamín.

Heppnir eigendur G vítamín ilmdropa munu auk þess hljóta aukaskammt af G vítamíni en meðal vinninga eru til að mynda hótelgisting, 200.000 kr. gjafabréf hjá Icelandair, gjafabréf út að borða og 80.000 kr. gjafabréf í Kron Kron, svo fátt eitt sé nefnt.

G vítamínin verða aðgengileg á íslensku, ensku og pólsku. Á þorranum verður jafnframt dreift 30 myndböndum þar sem farið verður nánar yfir hvert G vítamín. G vítamín ilmdroparnir eru framleiddir í samstarfi við Angan þar sem lögð er áhersla á hreinar og sjálfbærar vörur.

Allur ágóði af G vítamín ilmdropunum mun renna í Styrktarsjóð geðheilbrigðis en tilgangur sjóðsins er að stuðla að framförum í geðheilbrigðismálum með því að veita styrki til verkefna sem geta bætt geðheilbrigði landsmanna og skilning á málaflokknum.

G vítamínið er byggt á Geðorðunum 10 og 14 Lífsorðum Héðins Unnsteinssonar og Þórdísar Rúnarsdóttur. Sjá nánar á landlaeknir.is og hedinn.org/lifsordin14

G vítamín ilmdroparnir kosta 4.500 kr. en hægt er að nálgast þá hjá Geðhjálp í síma 570 1700 eða á gedhjalp@gedhjalp.is og hjá Nova um land allt.

Fá sendan daglegan G vítamínskammt í tölvupósti

Fáðu sendan daglegan G vítamínskammt í tölvupósti